PRESENTACIÓN PROGRAMA  VERDEAR

Mercores 11 de febreiro 2026, de 11.30 a 13.00h, nas instalacións de Verdear

      PRESENTACIÓN PROXECTOS 

 RESTAURA  - COMPOR

  VERDEAR

É un espazo inclusivo, ordenado de adestramento educativo e social, aberto a comunidade, promove a  continuidade terapéutica o apoio as familias, para  superar as condutas adictivas e de axuda cara outros colectivos en exclusión social. Trata de cubrir as necesidades básicas, restaurar e  mellorar a súa calidade de vida empregando a agricultura ecolóxica e o medio ambiente, como soporte formativo, ocupacional e de emprendemento cara un emprego, que facilite o seu desenvolvemento social, emocional e de acompañamento na que les casos onde a rede  de apoio non exista ou este deteriorada.

 

LIMIAR

 

É un programa que nace baixo o amparo do Concello de Vigo e da Deputación de Pontevedra, no ano 2012 co obxecto de apoiar e acompañar o colectivo de persoas con condutas aditivas e as súas familias, e superar así o momento de crise económica que estabamos a vivir. Compóñese de varios proxectos COMPOR, RESTAURA, VOZ NATURA, e de apoios importantes de entidades como PAIDEIA, la CAIXA, que foron quen de crer en este programa, fincado na natureza cara o colectivo de persoas exclusión social.

 

O presente ano 2026 cumprimos catorce anos, dende que intentamos no 2012 comezar con un programa que atendera as necesidades básicas  e  as características do colectivo de persoas con condutas aditivas e as súas familias. Debido a estas características emocionais e sociais dificilmente entendibles a evolución foi lenta  e dende a participación das persoas,  das familias, dos profesionais, non fomos quen de conseguir os recursos humanos e materiais necesarios para que este programa Verdear, atendese o noso colectivo dende a súa particularidade como fan outros  para impulsar o cambio nos seus usuarios.

Nestes catorce anos  enfrontámonos, nun primeiro lugar a un programa en construción continuada, na que profesionais e usuarios aprendemos no día a día uns dos outros, transformando a nosa realidade en cada estación, mellorando os nosos recursos, tratando de que todos atopasen o seu lugar, apoiando  as familias, as parellas, pero crecendo todos e todas dentro dun espazo inclusivo que ten en conta a persoa, a familia e o entorno onde desenvolve a súa vida.

 

Conseguimos neste tempo que as persoas teñan unha rutina saudable, de luns a venres, atendan as súas obrigacións xudiciais, sociais, médicas, etc.. que programen os fins de semana, que manteñan presente a súa proposta de cambio cara outro tipo de comportamentos que dean  un novo sentido a súa vida. Conseguimos que as familias, familiares teñan un espazo de acougo e atención continuada, que lles permitan coñecer mellor o alcance da enfermidade ou trastorno co que conviven e cales poden ser as ferramentas para que esa convivencia non se volva encontra deles. Conseguimos, unha programación anual de actividades, un mellor apoio por parte das institucións, a participación de outros colectivos, a atención dunha parte importante das necesidades básicas, almorzos, xantar, aseo, limpeza de roupa...ocupación, acompañamento.

 

Pero quédanos moito por facer, xa que as persoas do noso colectivo están presentes en todos os concellos do noso territorio a nivel provincial, e non existe unha formulación política que axude a pequenos e medianos concellos da provincia de Pontevedra a tratar os problemas que viven moitas familias por mor das condutas aditivas, 

 Aquí non existen ni o respiro familiar, unha atención educativo social dende a diversidade; a parte residencial como elemento de apoio, e mellora na convivencia na familia e social, os cambios lexislativos necesarios para que as persoas con condutas aditivas se sintan protexidas na utilización dos seus recursos económicos, PNCs, RISGA, SMV, Herdanzas etc...no acompañamento da súa medicación. A creación dunha aldea Edu-social sustentable, a modo de ECO ALDEA, onde a persoas se poda sentir acompañada no proceso de cambio de conduta e facilite o proceso terapéutico de recuperación. 

 

A acción política e fundamental, que entendan que as condutas aditivas están presentes en todos os extractos sociais e que non so dependen dunha boa atención médico, psicolóxica, senón que en moitos casos precisa dun acompañamento educativo social, e de un marco de adestramento que favorezan os procesos de cambio, como teñen outros colectivos, de discapacidade intelectual, física, mental...que se adaptan as súas características biopsicosociais.

Outro aspecto a mellorar este ano 2026 e a nosa presenza nos medios de comunicación social prensa radio, televisión, redes sociais. Presentar os nosos programas,  que obteñan o eco que merecen para chegar as persoas que o precisan

O fortalecemento da cooperación entre entidades, para unha maior eficiencia na utilización dos recursos humanos, materiais é outro aspecto importante para o desenvolvemento do noso programa este ano que comeza.

Creemos nas políticas que actúan sobre as persoas e o territorio, tratando de favorecer a cooperación e axuda entre as entidades e institucións que traballan a prol e arreo, nun campo como e a exclusión social, onde todos somos necesarios.

O noso programa educativo ten como eixo a celebración de días mundiais e internacionais auspiciados por a ONU, que nos permite traballar con documentos elaborados a recuperación de valores a tolerancia, a paz, a fraternidade e estimulan o sentido critico de loita contra a violencia as mulleres, o deterioro do medio ambiente e nos impulsan a celebrar o mundo no que vivimos todos os seres humanos, que compartimos cos animais, plantas etc..

Misión

Promover o adestramento e acompañamento educativo e social, nos procesos de cambio dunha persoa con conduta aditiva cara unha conduta autónoma, así como posibilitar os recursos humanos en materiais que faciliten os procesos.

 

Visión

·       Tratar as adicións dende a discapacidade emocional e social, a dificultade que teñen as persoas para atender de forma axeitada as súas vidas, quererse ben, e das familias afectadas o non poder axudalas.

·       O problema non está na sustancia, nas ferramentas aditivas que favorecen ese tipo de comportamentos (móbiles, xogo, redes sociais..). O problema reside nas persoas que desenvolven esta conduta que son máis vulnerables no crecemento emocional e social.

·       Non existen dous adictos iguais a maneira de tratalos ten que ser adaptada o seu perfil.

·       A continuidade terapéutica é unha parte fundamental nos procesos de cambio, pero en moitos casos precisan de acompañamento  educativo social.

  Promover a creación de espacizox residenciais, Espazo Minimo Vital, con búngalos adaptados, creando unha aldea sustentable, que favoreza o entrenemento educativo social e a protecion da persoa e da natureza.

    Posibilitar a creación de empresas de economía social, que axuden a restaurar o entorno e que se adapten as persoas que viven e traballan no mesmo.

·       As familias deben contar cos apoios e recursos humanos necesarios que lle axuden a entender e acompañar os procesos de cambio. 

Valores

 

A liberdade, a persoa ten que querer o cambio a pesar das súas dificultades e condicionamentos aditivos.

O respecto, a persoa, as súas decisións, da persoa cara a súa contorna.

A responsabilidade, tomar conta do resultado das súas decisións, afrontalas do mellor xeito posible, para promover condutas máis saudables.

 A transcendencia. O que somos o que facemos, non nos afecta tan só a nos, afecta o ecosistema onde vivo, os meus comportamentos modifican ese ecosistema, e viceversa. Transcender é a maneira de recuperar a autonomía persoal.